- ३१ असार २०८३, बुधबार / Jul 15, 2026
काठमाडौं । प्रधानमन्त्री पुस्पकमल दाहाल प्रचण्डले विश्वासको मत पाएपछि सत्ता गठबन्धनलाई भागबण्डामै सकस भएको छ । सत्ता गठबन्धनमा आबद्ध दलहरुको भागबण्डा नमिल्दा मन्त्रिपरिषद् विस्तास समेत हुन सकेको छैन । प्रधानमन्त्री पुष्पकमल दाहाल ‘प्रचण्ड’ले संसदमा विश्वासको मत लिएसँगै मन्त्रिपरिषद् विस्तारबारे छलफल गर्न गठबन्धन दलहरु लागि परेका छन् ।
नेकपा (एमालें), नेकपा (माओवादी केन्द्र), राष्ट्रिय स्वतन्त्र पार्टीसहित गठबन्धन दलबीच मन्त्रालय भागबण्डा टुंगिएको छैन ।प्रधानमन्त्री प्रचण्डले बुधबार साँझ एमाले अध्यक्ष केपी शर्मा ओलीसँग छलफल गर्नुभएको थियो ।
सो अवसरमा मन्त्रिपरिषद् विस्तार तथा कांग्रेसले सरकारलाई विश्वाशको मत दिएपछि विकसित राजनीतिक घटनाक्रमबारे छलफल भएको बुझिएको छ । बिहीबार बस्ने बैठकले यसअघि नियुक्त भएका मन्त्रीको मन्त्रालय टुंगो लगाउने बताईएको छ ।
