- ५ आश्विन २०८३, सोमबार / Sep 21, 2026
काठमाडौं । समाजवादी मोर्चामा आबद्धदलहरुले आज मकवानपुरको हेटौंडामा सन्देश सभा गर्दैछन् ।
सभालाई नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’, नेकपा एकीकृत समाजवादीका अध्यक्ष माधवकुमार नेपाल, जसपाका अध्यक्ष उपेन्द्र यादव र नेकपाका महासचिव नेत्रविक्रम चन्दले सम्बोधन गर्ने कार्यक्रम रहेको मोर्चाले जनाएको छ ।
आइतबार नै समाजवादी मोर्चाको बागमती प्रदेश कमिटीको समेत घोषणा गरिने एकीकृत समाजवादीका बागमती प्रदेश अध्यक्ष सावित्रा भुसालले बताइन् ।
चार दल सम्मिलित मोर्चाको भदौ ४ गते बसेको बैठकले सात वटै प्रदेशमा सन्देश सभा गर्ने निर्णय गरेको थियो ।
सो निर्णय अनुसार मोर्चाले मधेश प्रदेशको वीरगञ्जमा, लुम्बिनी प्रदेशको बुटवलमा, कर्णाली प्रदेशको सुर्खेत र गण्डकी प्रदेशको पोखरामा सन्देश सभा सम्पन्न गरिसकेको छ ।
भदौ १३ गते सुदूरपश्चिमको धनगढीमा आयोजना गर्ने भनिएको सभा स्थगित गरेको मोर्चाले कोशी प्रदेशको विराटनगरमा भदौ २५ गते सभा गर्ने निर्णय गरेको छ ।
