- ११ जेष्ठ २०८३, सोमबार / May 25, 2026
काठमाडौं । वर्तमान सरकारकै संरक्षणमा मुलुकमा गुण्डागर्दी चलिरहेको नेकपा (एमाले)का अध्यक्ष केपी शर्मा ओलीले आरोप लगाएका छन् ।
प्रहरी परिचालन गरेर आफ्ना पार्टी निकट विद्यार्थी संगठन, युवा संगठन र कर्मचारी संगठनको कार्यालयमा देउवा नेतृत्वको सरकारले गुण्डागर्दी गरेको पूर्व प्रधानमन्त्री ओलीले बताए ।
त्यस गुण्डागर्दीको प्रतिवादमा उत्रन अनेरास्ववियूका नेता, कार्यकर्तालाई निर्देशन दिएका छन् । अनेरास्ववियूको नयाँ नेतृत्वको सपथग्रहणका लागि मंगलबार काठमाडौंमा आयोजित कार्यक्रममा बोल्दै उनले जनताले भयरहित ढंगले जीवनयापन गर्न चाहेको उल्लेख गरे ।
सरकारले जनतालाई दुःख दिने काम मात्रै गरेकाले आपत्ति जनाए । लोकतन्त्रमा केही मानिसहरू शासनमा पुग्ने प्रणाली मात्रै नभएको तर्क गरे । ओलीले भने, ‘यो जनतालाई छकाउने प्रणाली होइन, जनतालाई सेवा गर्ने, जनताको अधिकारको सुरक्षा गर्ने प्रणाली हो ।’
