सरकारबाट बाहिरिदै माओवादी केन्द्र

काठमाडौं । सरकारबाट बाहिरिने तयारीसंगै नेकपा माओवादी केन्द्र आन्तरिक छलफलमा जुटेको छ । बैठक अध्यक्ष पुष्पकमल दाहाल प्रचण्डको निवास खुमलटारमा बसिरहेको छ। सत्ता गठबन्धनमा उत्पन्न परिस्थिति, एमसीसीलगायतका विषयमा बैठक केन्द्रीत रहेने प्रवक्ता कृष्ण बहादुर महराले बताए ।

बिहीबार प्रधानमन्त्री निवास बालुवाटारमा प्रधानमन्त्री शेरबहादुर देउवा र अध्यक्ष प्रचण्डबीच भएको भेटका विषयमा गम्भीरताका साथ छलफल हुने उनको भनाइ छ ।

एमसीसी पारित गराएरै छोड्ने देउवाको अडान र संशोधनबिना सहमति जनाउन नसक्ने अवस्थामा पुगेको माओवादीका कारण अवस्था यो मोडमा आएको महराको भनाइ छ । सोही निष्कर्षपछि प्रधानमन्त्री देउवाकै आग्रहमा बिहीबारका लागि तय भएको प्रतिनिधि सभा बैठक आज सारिएको छ ।