सरकारले दिने १० लाख रुपैयाँ नवीन्द्रराज जोशीको परिवारले नलिने

काठमाडौँ । नर्भिक अस्पतालमा उपचाररत नेपाली कांग्रेसका नेता नवीन्द्रराज जोशीको परिवारले सरकारले दिने १० लाख रुपैयाँ सहयोग नलिने घोषणा गरेका छन् ।

जोशीको परिवारले उक्त रकम नलिने घोषणा गरेको हो । फागुन १४ गते मष्तिस्कघातको समस्या देखिएपछि नेता जोशीलाई पहिले वीर अस्पताल र पछि नर्भिक अस्पतालमा भेन्टिलेटरमा राखेर उपचार भइरहेको छ ।

जोशीको स्वास्थ्य अवस्था बुझ्न उपप्रधानमन्त्री ईश्वर पोखरेल अस्पताल पुगेर उपचारका लागि १० लाख रुपैयाँ सरकारले सहयोग गर्ने घोषणा गरेका थिए । सो घोषणा लगतै जोशी परिवारले उक्त रकम नलिने जनाएको हो ।