- २१ कार्तिक २०८३, शनिबार / Nov 7, 2026
काठमाडौं । प्रचण्ड नेतृत्वको सरकारले ५ महिनापछि बल्ल पूर्णता पाएको छ । नवनियुक्त एक मन्त्री र एक राज्य मन्त्रीले आज पद तथा गोपनीयताको शपथ लिँदै छन् ।
जनता समाजवादी पार्टी नेपाल (जसपा) का वीरेन्द्रप्रसाद महतोले वन तथा वातावरण मन्त्री र प्रमिला कुमारीले शिक्षा विज्ञान तथा प्रविधि राज्यमन्त्रीको शपथ लिन लागेका हुन् ।
मन्त्रिपरिषद्को सिफारिसमा राष्ट्रपति रामचन्द्र पौडेलले मन्त्री र राज्यमन्त्रीमा नियुक्त गरेका हुन् ।
शपथ ग्रहण बिहान १० बजे शीतल निवासमा गराइने कार्यक्रम छ । संविधानको धारा ७६ को उपधारा (९०) बमोजिम प्रधानमन्त्रीको सिफारिसको आधारमा मंगलबार राष्ट्रपति पौडेलले उनीहरूलाई मन्त्री र राज्यमन्त्रीमा नियुक्त गरेका हुन ।
११ औँ पटकको विस्तारसँगै मन्त्रिपरिषद्ले पूर्णता पाएको हो । सरकारमा २२ मन्त्री र ३ राज्यमन्त्री नियुक्त भएका छन् । गत पुस १० मा प्रचण्ड प्रधानमन्त्रीमा नियुक्त भएका हुन ।
