सरकार बाहेक अरुलाई मतदाता विवरण उपलब्ध नगराउने निर्वाचन आयोगको ठोकुवा

काठमाडौ । निर्वाचन आयोगले नेपाल सरकार र सम्बन्धित व्यक्तिबाहेक अरुलाई मतदाताको व्यक्तिगत विवरणको अभिलेख उपलब्ध नगराउने जनाएको छ ।

प्रहरी र प्रशासनबाट समेत विभिन्न घटनाको अनुसन्धान गर्नेक्रममा मतदाताको व्यक्तिगत विवरणको अभिलेख माग भई आउन थालेपछि आयोगले यस्तो बताएको हो ।

निर्वाचन प्रयोजनका लागि सङ्कलन गरिएको विवरण अन्य प्रयोजनका लागि उपलब्ध गराउन नमिल्ने भन्दै सङ्कलित एक करोड ५४ लाख २७ हजार ९३८ मतदाताको व्यक्तिगत विवरणको अभिलेख राखेको छ । नेपाल सरकारबाट प्रयोजन खुलाई माग भइआएमा त्यस्तो विवरण आयोगले सरकारलाई उपलब्ध गराउन सक्ने ऐनमै व्यवस्था छ ।