- १० असार २०८३, बुधबार / Jun 24, 2026
काठमाडौं । चीनको राजधानी बेइजिङमा साउदी अरब र इरानका परराष्ट्रमन्त्रीबीच भेटवार्ता भएको छ। यी दुुई देशबीच कूटनीतिक सम्बन्ध अघि बढाउन इरानका परराष्ट्रमन्त्री अमिर अब्दोल्ला हियान र साउदी अरबका राजकुमार फैसला बिन फरहान अल साउदबीच भेटवार्ता भएको हो ।
सहमति अनुसार एकअर्काको देशमा दूतावास तथा वाणिज्य दूतावास खोल्ने सहमति बनेको अन्तर्राष्ट्रिय सञ्चारमाध्यमले जनाएका छन्। रियाद र तेहरानमा दूतावास खोलिनेछ भने जेद्दाह र मशहदमा वाणिज्य दूतावास खोलिनेछ।
सन् २०१६ मा कूटनीतिक सम्बन्ध तोडेका इरान र साउदीले सहकार्य विस्तारका अन्य पक्षमा पनि सहमति गरेका छन्। एकअर्काको देशमा उडान गर्ने, सरकारी तथा निजी क्षेत्रका प्रतिनिधिमण्डलले भ्रमण गर्ने सहमति पनि बनेको छ।
द्विपक्षीय सहकार्यमा देखिएका सबै अवरोधलाई निर्मूल बनाउन पनि दुवै देश तयार रहेको बताइएको छ।
