साउदी राजदूतलाई श्रम, रोजगार तथा सामाजिक सुरक्षा मन्त्रालयले बोलायो

काठमाडौं । साउदी राजदूतलाई श्रम, रोजगार तथा सामाजिक सुरक्षा मन्त्रालयले बोलाएको छ । शैक्षिक प्रमाणपत्र वैदेशिक रोजगारीमा जाने कामदारका लागि अनिवार्य गरिएकोबारेको बारे बुझ्न मन्त्रालयले साउदी राजदूत साद अबुहैमेदलाई बोलाएको हो । दूतावासको उक्त निर्णयप्रति नेपालमा चर्को विरोध भइरहेको छ । व्यवसायीहरूले श्रम मन्त्रालय र परराष्ट्र मन्त्रालयको ध्यानाकर्षण गराएका छन् ।

दुवै मन्त्रालयले कुटनीतिक पहलबाट उक्त निर्णय कार्यान्वयन नगराउन प्रयत्न थालेका छन् । उक्त निर्णयबारे बुझ्न राजदूतलाई बोलाइएको मन्त्रालय स्रोतले जनाएको छ । नेपालस्थित साउदी दूतावासले १२ जुनदेखि भिसा प्रयोजनको लागि शैक्षिक प्रमाणपत्र अनिवार्य गरेको छ । भिसाबारे जानकारी सहज हुने भन्दै दूतावासले शैक्षिक प्रमाणपत्र अनिवार्य गरेको हो ।