- ९ असार २०८३, मंगलवार / Jun 23, 2026
सुनसरी । धरानमा निषेधाज्ञा जारी भएको छ । सुनसरीको स्थानीय प्रशासनले जिल्ला सुरक्षा समितिको बैठकबाट शुक्रबार राति १२ बजेदेखि शनिबार राति १२ बजेसम्मका निषेधाज्ञा जारी भएको हो । धरान प्रवेश गर्ने नाका तरहरा, नहडा, झण्डा चोक, पानबारी र भेडेटारमा सुरक्षा सतर्कता बढाइएको छ ।
धरानमा गोरु काटेर खाएको र मन्दिर अगाडि चर्च बनाएको भन्दै केही हिन्दु समर्थकले शनिबार प्रदर्शनको आह्वान समेत गरेका छन्। जिल्ला प्रशासन कार्यालय सुनसरीले डेंगु संक्रमण बढिरहेको र जनस्वास्थ्य आपतकालीन् अवस्था क्षेत्र घोषणा गर्ने गरी सम्बन्धित निकायमा सिफारिस गरिएको स्थितिमा सभा र सम्मेलन गर्न निषेधाज्ञा जारी गरिएको बताएको छ।
सामाजिक सद्भाव खल्बलिनसक्ने कुरालाई ख्याल गरेर प्रशासनले निषेधाज्ञा जारी गरेको उल्लेख गरिएको छ । धरान उपमहानगरपालिकाका प्रमुख हर्क साम्पाङले आपसी सद्भाव कायम राख्न अपिल गरेका छन् । जारी निषेधाज्ञमा धरान उपमहानगरपालिका भित्र सामाजिक, धार्मिक, राजनीतिक सभा र सम्मेलन नगर्न भनिएको छ ।
