सिराहामा गोइत समूहले गरायो बम विष्फोट, दर्जन बढी घाइते

काठमाडौं । सिराहाको लाहान नगरपालिकास्थित मालपोत कार्यालयमा बम विस्फोट भएको छ ।

विष्फोट भएको ठाउँमा तराई जनतान्त्रिक मुक्ति मोर्चा गोइत समूहको पर्चा भेटिएको छ ।पर्चा भेटिएका कारण सोही समूहले कुकर बम विष्फोट गराएको प्रहरीले शंका गरेको छ ।

आइतबार दिउँसोको विष्फोटमा परी दर्जनबढी घाइते भएका छन् । घाइते मध्ये दिनेकुमार भण्डारीको अवस्था गम्भीर रहेको जिल्ला प्रहरी कार्यालयका डीएसपी शालिग्राम शर्माले बताए । घाइतेहरुको अस्पतालमा उपचार भइरहेको छ ।