- ९ बैशाख २०८३, बुधबार / Apr 22, 2026
हिमाली क्षेत्रका सुरक्षाकर्मीलाई जाडो नै दुश्मन बनेको छ । सीमामा सुरक्षार्थ खटिएका प्रहरीलाई पर्याप्त सुविधा नहुँदा उच्च पहाडी र हिमाली जिल्लामा समस्या भएको छ । विशेषगरी बोर्डर आउट पोष्ट (बीओपी)मा खटिने सशस्त्र प्रहरीलाई चिसोले सताएको छ ।
हिमाली क्षेत्रमा खटिएका सुरक्षाकर्मीहरु कठ्याङ्ग्रिदो जाडोमा ज्याकेट मात्र लगाएर काम गर्नुपर्ने बाध्यता अहिले पनि रहेको छ । सरकारले अतिरिक्त सुविधा दिएको छैन भने रासनसमेत नबढाएको गुनासो छ । राज्यको सुविधा सीमित भएको सशस्त्र प्रहरी कार्यालय इलामका प्रमुख सुधीरजङ्ग थापाले बताए ।
तीन हजार मिटरभन्दा बढी उचाइका बिओपी छन् । जुन क्षेत्रमा वर्षमा पाँच महिना हिउँ पर्छ तर सुविधा नबढाउँदा समस्यासँग जुझ्दै सुरक्षामा खटिनुपरेको बाध्यता छ । प्रत्येक बीओपीमा २०÷२० जनाको दरमा सशस्त्र प्रहरी खटाइएको छ ।
