७ अर्ब ८० करोड पुग्यो विश्वको जनसंख्या, एक नम्बरमा चीन

काठमाडौं । ७ करोड ४० लाखले विश्वको जनसंख्या बढेको जनाइएको छ । अमेरिकी तथ्यांक व्यूरोले विश्वको जनसंख्या ७ अर्ब ८० करोड पुगेको तथ्यांक सार्वजनिक गरेको हो । विश्वमै चीन सबैभन्दा धेरै जनसंख्या भएको देशको रुपमा परिचित रहेको छ । यहाँको जनसंख्या १ अर्ब ४० करोड रहेको तथ्यांकमा उल्लेख गरिएको छ ।

चीनपछि भारतको जनसंख्या १ अर्ब ३८ करोड पुगेको छ । जनसंख्याको दृष्टिले अमेरिका विश्वकै तेस्रो ठूलो देश बनेको छ । अमेरिकाको जनसंख्या ३३ करोड २० लाख पुगेको छ । अमेरिकापछि इण्डोनेसिया र पाकिस्तान क्रमशः चौंथो र पाँचौं ठूलो देश बनेका छन् ।

इन्डोनेसियाको जनसंख्या २७ करोड ५० लाख छ भने पाकिस्तानको २३ करोड ८० लाख नाघेको छ । सन् २०२१ मा विश्वको जनसंख्या शून्य दशमलव ९ प्रतिशतले वृद्धि भएको हो । समग्रमा विश्वको जनसंख्या बढे पनि बृद्धि दर भने सन् १९६० को मध्यदेखि निरन्तर घटिरहेको छ ।