- ६ भाद्र २०८३, शनिबार / Aug 22, 2026
काठमाडौं । रुकुम पूर्वबाट प्रदेशसभा सदस्यमा बागी उम्मेदवारी दिएपछि अखिल क्रान्तिकारीका केन्द्रीय उपाध्यक्ष केशव रावल कारबाहीमा परेका छन् ।
माओवादी केन्द्र निकट अखिल क्रान्तिकारीले उनलाई संगठनको सम्पूर्ण जिम्मेवारीबाट हटाएर कारबाही गरेको हो ।
पार्टी र संगठन हित विपरीत काम गरेकाले रावललाई जिम्मेवारीबाट मुक्त गरिएको अध्यक्ष पञ्चा सिंहले बताइन् ।
रुकुम पूर्वबाट प्रदेश सभा निर्वाचन क्षेत्र नं. २ मा गठबन्धनको तर्फबाट नेपाली कांग्रेसका धनबहादुर केसी उम्मेदवार छन् भने नेकपा एमालेकी भावना बुढाथोकी उम्मेदवार छिन् ।
रुकुम पूर्वबाट प्रतिनिधि सभा सदस्यमा सत्ता गठबन्धनको तर्फबाट माओवादी केन्द्रका पूर्णबहादुर घर्तीमगर र नेकपा एमालेका कैलाशकुमार मल्ल उम्मेदवार छन् ।
