- १ आश्विन २०८३, बिहीबार / Sep 17, 2026
काठमाडौं । अखिल (क्रान्तिकारी)की केन्द्रीय अध्यक्ष पञ्चा सिंहसहित ६ जनालाई पक्राउ पुर्जी जारी गरिएको छ । १५ वर्षअघि भएको हत्या आरोपमा उनीहरूलाई पुर्जी जारी भएको हो ।
पक्राउ पुर्जी जारी हुनेमा अखिल (क्रान्तिकारी)की अध्यक्ष पञ्चा सिंहसहित, पदमबहादुर रावत, ‘गुराँस’ नाम गरेका बालकृष्ण सिंह, टंकबहादुर सिंह, कालिकोटकै खाडाचक्र नगरपालिकाका ‘सुभाष’ भनिने वीरबहादुर मल्ल र ‘अशोक’ भनिने अलि कार्की रहेका छन् ।
उनीहरुलाई पक्राउ गर्न जिल्ला अदालत सुर्खेतले अनुमति दिएको जिल्ला प्रहरी कार्यालयले जनाएको छ । कालीकोटका १७ वर्षीय राजबहादुर मल्लको हत्यामा संलग्न भएको आरोपमा उनिहरुलाई पक्राउ गर्न अनुमति दिएको जिल्ला प्रहरी कार्यालय सुर्खेतका निमित्त प्रवक्ता प्रहरी निरीक्षक कृष्णबहादुर खड्काले बताए ।
उनिहरु विरुद्ध राजबहादुरका बुबाले २०७९ साउन ३ गते पुरक किटानी जाहेरी दिएका थिए । हत्यालगत्तै मृतकका काका नवराजले पदमबहादुर रावत ‘टाइगर’ विरुद्ध किटानी जाहेरी दिएका थिए ।
