अदालतभन्दा सर्वोच्च जनता हुन्, केपी ‘कू’ विरूद्ध जनता सडकमा आइसके: महरा

दाङ । प्रचण्ड–नेपाल पक्षको नेकपा स्थायी कमिटी सदस्य तथा पूर्वसभामुख कृष्णबहादुर महराले प्रधानमन्त्री केपी ओलीले गरेको कू विरुद्ध जनता सडकमा आइसकेको बताएका छन् ।

दाङको तुलसीपुरमा आयोजित प्रशीक्षण कार्यक्रममा महराले संघर्ष र बलिदानीबाट प्राप्त संविधानमाथि बतात्कार गरेर ओलीले ‘कू’ गरेको बताए । संविधानको रक्षा र बचाउ गर्नु जनताको कर्तब्य भएकाले अहिले त्यही अभियानमा लागेको बताए ।

नेकपाको प्रतिवेदन र विधान नै हरेक सदस्यको टेक्ने आधार भएको भन्दै महराले अरू कसले के गर्दै छ त्यसका पछाडि नलाग्न कार्यकर्तालाई निर्देशन दिए । समाजवाद भनेको मिलिजुली काम गर्ने र बाँडीचुँडी खाने हो भन्दै महराले अहिलेको व्यवस्था मिलिजुली काम गर्ने एक्लै खाने भएको जिकिर गरे । केपी ओलीको नेतृत्वमा भएको झुण्ड र गूटले समाजवाद विरोधी काम गरिरहेको दावी गरे ।