अब आँखाको उपचार राकमकर्णालीमा

आठबीस । दैलेखको कर्णाली भनेर परिचित राकम स्वास्थ्य चौकीमा आँखा उपचार ईकाई स्थापना भएको छ । २०७८ असोज १ शुक्रबार एक कार्यक्रमकाबीच नगर प्रमुख खड्गराज उपाध्यायले आँखा उपचार इकाइको उद्घाटन गरे ।

उद्घाटन पश्चात आजैबाट आँखाको उपचार सेवा सन्चालन भएको छ । आँखामा सामान्य समस्या आउँदा पनि सदरमुकाम र सुर्खेत दगुर्नुपर्ने अवस्थाबाट मुक्त भएको नगर प्रमुख उपाध्ययले बताए ।

इकाइ स्थापनाले यस क्षेत्रका स्थानीय, कालिकोट र अछामका बासिन्दाले पनि सेवा लिने स्वास्थ्य शाखा प्रमुख देवराज उपाध्यायले बताए । आठबीस नगरपालिका तथा पाएक पर्ने सबै क्षेत्रका स्थानीय आँखाका बिरामीले सहजै सेवा लिन सक्ने स्वास्थ्य चौकी राकमकर्णालीले जनाएको छ ।

स्वास्थ्य शाखा प्रमुख देबराज तिमिल्सेनाले संचालन गरेको कार्यक्रममा अध्यक्ष रणबहादुर माझी, नि. प्रमुख प्रशासकिय अधिकृत लाल बहादुर खत्री, एमालेका पदम बहादुर माझी, नेपाली काँग्रेस आठबीसका सभापति अर्जुन बहादुर शाही, हिम्मत माझी, मान बहादुर सिजापति, स्वास्थ्य चौकी प्रमुख करण बहादुर सावद, रेडक्रस उप शाखा सभापति अर्जुन ब शाहीलगायतले इकाइ स्थापनाको शुभकामना दिएको आठबीस नगरपालिकाबाट खबर पठाउँदै अनमी रेशमा कुमारी विकले बताइन् ।

तस्बीरमा…