असोज ६ र ७ गते दुई वटा विषयमा अनुत्तिर्ण विद्यार्थीहरुका लागि कक्षा १२ को पुरक परीक्षा लिइने

काठमाडौं । मंगलबार कक्षा १२ को नतिजा सार्वजनिक भएको छ । मंगलबार नतिजा सार्वजनिक गरेको बोर्डले बुधबार अर्को सूचना जारी गरेको हो । बोर्डले बुधबार सूचना जारी गर्दै असोर ६ र ७ गते पूरक परीक्षा लिइने उल्लेख गरेको छ ।

पुरक परीक्षामा सहभागी हुन चाहने विद्यार्थीले आमगी भदौ २२ भित्र राष्ट्रिय परीक्षा बोर्डको बैंक खातामा ६ सय रूपैँया परीक्षा शुल्क बुझाउनु पर्नेछ । सो अवधिभित्र दस्तुर बुझाउन नसक्नेहरुले भदौ ३१ गते भित्र दोब्बर अर्थात १ हजार २ सय रूपैयाँ जम्मा गरी भौचरसहित आवेदन बझाउनु पर्ने जारी सूचनामा उल्लेख छ ।

कक्षा १२ को मंगलबार प्रकाशित नतिजा अनुसार १ लाख ८९ हजार ७ सय ११ जना विद्यार्थी स्नातक तहमा भर्ना हुन योग्य छन् । यस्तै, ५९ हजार ६ सय २६ जना विद्यार्थीहरुले ग्रेड वृद्धिका लागि पुरक परीक्षा दिन पाउने छन् तर, १ लाख ८२ हजार ९ सय २६ जना विद्यार्थीहरु अनुतीर्ण भएका छन् ।

उक्त परीक्षामा सहभागी हुने विद्यार्थीलाई भदौ ३१ गतेसम्म आवेदन फाराम भर्न भनिएको छ । दुई वटा विषयमा अनुत्तिर्ण विद्यार्थीहरु उक्त परीक्षामा सहभागी हुन पाउने छन् । पहिलो दिन असोज ६ गते अनिवार्य अंग्रेजी वा एक मात्र विषयमा अनुत्तीर्णहरुको परीक्षा लिइने छ । दोस्रो दिन असोज ७ गते दोस्रो अनुत्तीर्ण विषयको परीक्षा लिइने छ ।