- ३ कार्तिक २०८३, मंगलवार / Oct 20, 2026
काठमाडौं । सवारीचालक लाइसेन्सको ट्रायल परीक्षामा ७० अंक ल्याए पास हुने प्रणाली वाग्मती प्रदेशमा लागु हुने भएको छ । आइतवारदेखि वाग्मती प्रदेशमा मंसिर १८ गतेदेखि लाइसेन्सका लागि लिइने ट्रायल परीक्षामा अंकभार प्रणाली लागू गर्ने निर्णय भएपछि उक्त प्रणाली लागु हुने भएको हो ।
प्रचलित प्रणालीले ७५ प्रतिशत फेल हुने गरेकाले पटक पटक ट्रायल दिइरनु परेकाले सुधारिएको व्यवस्था अनुसार ट्रायलका दौरान समावेश हुने विभिन्न पक्षलाई आधार मानेर अंक दिइने उल्लेख गरिएको छ। नयाँ व्यवस्थाले वाग्मती प्रदेशमा ६० प्रतिशतभन्दा बढी पास हुने अनुमान गरिएको छ।
जसका कारण यातायात कार्यालयहरुमा हुने अनियमितता समेत रोकिने अपेक्षा समेत गरिएको छ । ट्राफिक लाइट, उकालो–ओरालो, स्पिड ब्रेकर, पार्किङ लगायतलाई आधार मानेर फरक फरक अंक छुट्याइने व्यवस्था गरिएको छ। यसबाट ७० अंक ल्याउने पास हुने व्यवस्था गरिएको छ।
