- ३१ आश्विन २०८३, शनिबार / Oct 17, 2026
काठमाण्डौ । नेपालमा फेरी हैजाको त्रारास बढेको छ । सूदुरपश्चिम प्रदेशको डडेलधुरा जिल्लामा हैजा देखिएपछि हैजानको त्रारास बढेको हो । हैजा डडेलधुरा जिल्लाको परशुराम नगरपालिकामा देखिएको हो । एक सय ५० जनाभन्दा धेरै बिरामी परेका मध्य झाडापखालाका कारण १४ वर्षकी सङ्गीता धामीको ज्यान समेत गएको छ । उपचारमा ढिलाइ गर्दा बालिकाको ज्यान गएको जनाएको छ ।
शरीरमा पानीको मात्रा निकै कम भएकाले बालिकाको ज्यान गएको डाक्टरहरुले बताएका छन् । परशुराम नगरपालिकामा झाडापखाला फैलिए पछि गरिएको नमुना परीक्षणमा एक जना बिरामीलाई हैजा भएको देखिएको जिल्ला प्रशासन कार्यालय डडेलधुराले जनाएको छ ।
झाडापखाला नियन्त्रणमा आएको र हैजासमेत देखिएकाले जोखिम उस्तै रहेको जनाएको छ छ । गर्मीमौसममा झाडापखाला, हैजा जस्ता रोग फैलिने सम्भावना धेरै हुने भएकाले खानपान र सरसफाइमा ध्यान दिन विज्ञले सुझाव दिँदै आएका छन् । प्रभावित क्षेत्रमा जिल्ला स्वास्थ्य कार्यालय र नगरपालिकाको स्वास्थ्य इकाईको टोली निगरानीमा खटिएका छन् ।
