आज थपिएका ४३९२ संगै नेपालमा कोरोना संक्रमितको संख्या १ लाख २६ हजार १३७ पुग्यो

काठमाडौं । थप ४ हजार ३९२ जनामा कोरोना भाइरसको संक्रमण पुष्टि भएसंगै नेपालमा कोरोना संक्रमितको संख्या १ लाख २६ हजार १३७ पुगेको छ । स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले शुक्रबार नियमित अपडेटमा उक्त जानकारी दिए ।

नेपालमा हालसम्म सक्रिय कोरोना संक्रमितको संख्या ३७ हजार ३ सय ८२ रहेको छ । पछिल्लो २४ घण्टामा थप ३५२२ जना कोरोना संक्रमणमुक्त भएसँगै निको हुनेको संख्या ८८ हजार ४० पुगेको छ ।

पछिल्लो २४ घण्टामा थप २१ जनाको कोरोनाले मृत्यु भएसँगै हालसम्म ज्यान गुमाउनेको संख्या ७ सय १५ पुगेको छ ।