आज पनि हिमपात हुने, सचेत रहन आग्रह

काठमाडौं । केही दिनदेखिको प्रतिकूल मौसममा सुधार आउँने भनेपनि आज हिमाली क्षेत्रमा हिमपात हुने जल तथा मौसम विज्ञान विभागले जनाएको छ ।

पश्चिमी वायुसँगै आएको पश्चिमी न्यून चापीय प्रणाली र अरब सागरमा बनेको न्यून चापीय क्षेत्रको प्रभाव अझै रहेको र अब विस्तारै कमजोर बन्दै जाने विभागको अनुमान छ । शनिबार पश्चिमी वायुको सामान्य प्रभाव रहेको महाशाखाले जानकारी दिएको छ । दिउँसो प्रदेश १, बाग्मती र गण्डकीका पहाडी भूभागमा आंशिकदेखि सामान्य बदली रही अन्य बाँकी भूभागमा बदली रहनेछ ।

प्रदेश १, बाग्मती र गण्डकीको उच्च पहाडी र हिमाली भूभागमा हिमपातको हुने भएकाले सचेत रहन महाशाखाले आग्रह गरेको छ । राति प्रदेश १ को पहाडी भूभागमा आंशिकदेखि सामान्य बदली रही देशका बाँकी भूभागमा आंशिक बदली रहनेछ ।

प्रदेश १ को पहाडी भूभागको एक दुई स्थानमा वर्षाको पनि सम्भावना रहेको छ महाशाखाले जानकारी दिएको छ ।