- ३ श्रावण २०८३, आईतवार / Jul 19, 2026
काठमाडौं । आज होली खेलेर मनाउने पर्व फागुन पुर्णिमा हो । पहाडी जिल्लामा आज र तराईका जिल्लामा भोलि रङ दलेर लोला हान्ने परम्परा छ ।
असत्यमाथि सत्यको विजयको प्रतीक, पारिवारिक एवं सामाजिक एकताको पर्वका रुपमा यो पर्व मनाउने चलन रहेको छ।
विभिन्न रङ तथा अबीर एक आपसमा लगाएर होली मनाउने गरिन् छ । फागु पूर्णिमाको अवसरमा राष्ट्रपति, प्रधानमन्त्री, राजनीतिक दलका शीर्ष नेताहरुले शुभकामना सन्देश दिएका छन् ।
राष्ट्रपति विद्यादेवी भण्डारीले फागु पुर्णिमाको अवसरमा पर्वले विद्यमान विभिन्न प्रकारका विकृति, विसङ्गति एवं कुरीतिहरुलाई निर्मूल गर्दै मौलिक संस्कृतिहरुको संरक्षण र संवर्द्धन गर्न प्रेरणा प्रदान गर्ने बताएकी छन् ।
यस्तै प्रधानमन्त्री ‘प्रचण्ड’ले देशभित्र प्रत्येक जातजाति र धर्मावलम्बीहरुका आ–आफ्नै सांस्कृतिक महत्व बोकेका मौलिक परम्परा र पर्व रहेको बताएका छन् ।
