- २० जेष्ठ २०८३, बुधबार / Jun 3, 2026
काठमाडौं । आज बागमती प्रदेशमा भारी वर्षा हुने जल तथा मौसम विज्ञान विभाग, मौसम पूर्वानुमान महाशाखाले जनाएको छ ।
प्रदेशका एक दुई स्थानमा मेघ गर्जन र चट्याङसहितको भारी वर्षा हुने सम्भावना भएकाले सजग रहन आग्रह गरेको हो । भू–क्षय, पहिरो तथा गेग्रान बहावको जोखिम रहेको महाशाखाले जनाएको छ ।
वर्षाका कारण नदी नाला तथा खहरे खोलाहरूमा पानीको सतह बढ्ने र जनजीवन, यातायात क्षेत्र समेत प्रभावित हुन सक्ने भएकाले सतर्कता अपनाउन महाशाखाले अनुरोध गरेको छ ।
गण्डकी प्रदेशका केही स्थान र बाँकी प्रदेशका थोरै स्थानमा मेघ गर्जनसहित मध्यम वर्षाको सम्भावना रहेको महाशाखाले जनाएको छ ।
