आज सुनको भाउको नयाँ रेकर्ड

भक्तपुर। आज सुनको भाउ तोलाको एक लाख ४० हजार नौ सय रुपैयाँ पुग्दै नयाँ रेकर्ड बनेको छ । यो अहिलेसम्मकै उच्च भाउ हो ।

गत बिहीवार तोलाको एक लाख ४० हजार रुपैयाँ पुगेर रेकर्ड बनाएको सुनको भाउ शुक्रवार तोलामा सात सय रुपैयाँले घटेर एक लाख ३९ हजार तीन सय रुपैयाँमा झरेको थियो । शुक्रबारको तुलनामा आज १६ सय रुपैयाँले बढेको छ ।

त्यस्तै आज चाँदीको भाउ पनि बढेको छ । शुक्रवार तोलाको एक हजार आठ सय रुपैयाँमा कारोबार भएको चाँदी आज तोलामा एक सय १० रुपैयाँले बढेर एक हजार नौ सय १० रुपैयाँ पुगेको महासङ्घले जनाएको छ ।