प्रचण्डलाई माधव नेपालको विश्वासको मत

काठमाडौं। एकीकृत समाजवादीका अध्यक्ष माधव कुमार नेपालले प्रधानमन्त्री पुष्पकमल दाहाल ‘प्रचण्ड’ लाई विश्वासको मत दिने बताएका छन् ।

आज पेशागत महासंघ नेपालको २९औं स्थापना दिवसको अवसरमा आयोजित कार्यक्रमलाई सम्बोधन गर्दै उनले एकीकृत समाजवादीले प्रधानमन्त्री प्रचण्डलाई विश्वासको मत दिने बताए ।

प्रधानमन्त्री प्रचण्डले भोलि प्रतिनिधि सभाबाट विश्वासको मत लिँदैछन् । सहकारी ठगी प्रकरणमा सत्तापक्ष र प्रमुख प्रतिपक्षबीच सहमति हुन नसक्दा प्रधानमन्त्रीले विश्वासको मत लिन आह्वान गरिएको प्रतिनिधि सभा बैठक पनि प्रभावित हुनसक्ने खतरा बढेर गएको छ ।