आज ४ बजे प्रधानमन्त्री प्रचण्डको सपथ ग्रहण,मन्त्रिमण्डल समेत घोषणा हुने

काठमाडौं । आइतबार नियुक्त नवनियुक्त प्रधानमन्त्री पुष्पकमल दाहाल ‘प्रचण्ड’ को सपथ ग्रहण अपरान्ह ४ बजे हुने भएको छ । नवनियुक्त प्रधानमन्त्री प्रचण्डको सपथ ग्रहण कार्यक्रम अपरान्ह ४ बजेका लागि तय भएको राष्ट्रपति कार्यालयले जनाएको छ । प्रचण्डलाई नेकपा एमाले ७८, माओवादी केन्द्र ३२, राष्ट्रिय स्वतन्त्र पार्टी २०, राष्ट्रिय प्रजातन्त्र पार्टीका १४, जनता समाजवादी पार्टी १२, जनमत पार्टी ६, नागरिक उन्मुक्ति पार्टी ४ र ३ स्वतन्त्रसहित १६९ सांसदले समर्थन गरेका छन् ।

कांग्रेससँग सत्ता साझेदार नेकपा माओवादी केन्द्रको सत्ता बाँडफाँडमा कुरा नमिलेपछि एमाले अध्यक्ष केपी शर्मा ओलीको अग्रसरतामा नयाँ समीकरण बनेको केही नेताहरुले प्रतिक्रिया दिएका छन् । प्रचण्डलाई प्रधानमन्त्री बनाउन सात वटा दलले समर्थन गरेकाले अन्यको भागवण्डाका विषयमा विस्तृत छलफल गरीने भएकाले सानो मन्त्रिमण्डल समेत तय गरिने जनाइएको छ ।