हिमपात हुदा ३८ जनाको मृत्यु,५ करोड भन्दा बढी प्रभावित

काठमाडौं । चिसो आँधीसहितकोका कारण अमेरिका र क्यानडामा ३८ जनाको मृत्यु भएको छ । चिसो आँधीले सबै भन्दा बढी प्रभावित न्युयोर्कको बफेलो शहरमा मात्रै ७ जनाको मृत्यु भएको जनाइएको छ । क्यानाडादेखि टेक्ससको दक्षिणी भागसम्म फैलिएको हिमपातले हजारौं घरहरू पुरिएको उल्लेख गरिएको छ । हिमपातका कारण आइतबार मात्रै ५ करोड ५० लाख मानिस प्रभावित भएको र हजारौं उडानहरु प्रभावित हुँदा लाखौं यात्रु अलपत्र परेका छन् ।

र्टिक उपमहादीपबाट आएको चिसो आँधीले अमेरिकाको केही भागमा तापक्रम माइनस ४५ डिग्री सेल्सियसमा झरेको जनाइएको छ भने न्युयोर्कको गर्भनर क्याथी होचुलले न्युयोर्ककै इतिहासमा यस्तो विनाशकरी हिमपात पहिलो भएको बताएका छन् । बिजुली आपूर्ति बन्द हुँदा १५ लाख मानिस अन्धकारमा बस्न बाध्य भएको जनाइएको छ ।