- १४ जेष्ठ २०८३, बिहीबार / May 28, 2026
काठमाण्डौं । आठबीस नगरपालिका राकमकर्णाली दैलेखका मेयर तर्कबहादुर बडुवाल नेतृत्वको प्रतिनिधिमण्डलले अर्थमन्त्री जनार्दन शर्मासंग भेटवार्ता सम्पन्न गरेको छ ।
अर्थमन्त्रालयमा भएको भेटमा मेयर तर्कबहादुर बडुवालले भर्खरै प्रस्तुत आर्थिक बर्ष २०७९, ०८० को बजेटले नेपालको बिकासमा महत्व राख्ने क्षेत्रहरु पुनःर्निमाण, पूर्वाधार बिकास, महिला सशक्तिकरण, उद्यमशिलता बिकास आदिलाई समायोजन गरी आर्थिक वृद्धिदरको प्रक्षेपण गर्न उत्साहजनक कार्य भएको वताउँदै अर्थ मन्त्रीलाई बधाई दिए ।
सफल कार्यकालको शुभकामना दिदै बडुवालले आठबीस नगरपालिकाका समस्या समाधानमा विशेष पहल गर्न आग्रह गरे । यस्तै भेटका क्रममा उप प्रमुख कल्पना थापाले झण्डै नौ करोडको बजेट मिलान गरिदिन आग्रह गरिन् ।
गत आवमा आठबीस नगरपालिकामा सञ्चालित योजनाहरुको कार्य सम्पन्न भएको र उक्त योजनाहरुको भुक्तानी दिन सिस्टम बन्द भएका कारण समस्या भएकाले शसर्त अनुदानको बजेट परिचालन गरिएको र यो वर्ष उक्त बजेट घाटा पूर्ति गर्न अर्थमन्त्रालयसंग विशेष पहल र समन्वय गरिदिन लेखा अधिकृत दोर्णदेव वनले आग्रह गरे ।
यो समस्या आठबीस लगायत अन्य केही पालिकाको भएकाले यसमा पहल गरिने अर्थमन्त्री जनार्दन शर्माले प्रतिवद्धता जनाए । सो अवसरमा नगरको प्रतिनिधि मण्डलले आवश्यक बजेटको बिनियोजन गरिदिन समेत अनुरोध गरेको थियो ।
तस्वीरमा…
