- ९ असार २०८३, मंगलवार / Jun 23, 2026
काठमाडौं । राष्ट्रपति रामचन्द्र पोडेलले आधा दर्जन भन्दा बढी विषयमा चासो वक्त गरेका छन् । मंगलबार शीतल निवासमा भएको सर्वदलीय बैठकमा राष्ट्रपति पौडेलले आधा दर्जन भन्दा बढी विषयमा चासो व्यक्त गरेका हुन । राष्ट्रपतिले संविधान र प्रणालीप्रति नै खेलबाड हुन खोजेको हो कि भन्ने आभास हुन थालेको भन्दै यसप्रति पनि चासो देखाएका हुन ।
उनले सुरुमै आफूले कुनै राजनीतिक सक्रियता नदेखाएको भन्दै बरु आफूमा रहेको राष्ट्र र राष्ट्रियताप्रतिको चासो र चिन्ताका कारण छलफलका लागि सबैलाई बोलाएको जानकारी दिए । संंविधानको पालना, संरक्षण र राष्ट्रिय एकताको प्रवर्द्धन गर्ने जिम्मेवारी नेपालको संविधानले राष्ट्रपतिलाई दिएको छ ।
संविधानमा रहेको जिम्मेवारी कसरी पुरा गर्न सकिन्छ भन्नेमा आफू सधैँ चिन्तित रहेको राष्ट्रपतिको भनाई थियो । नेपाललाई प्रिग्रे लिस्टमा एक वर्षका लागि राख्ने स्थिति देशका लागि अर्को चिन्ताको विषय भएको राष्ट्रपतिले बैठकमा बताए ।
देशको आर्थिक अवस्थामा शिथिलता देखिएको स्थितिमा सम्पत्ति शुद्धीकरणसम्बन्धी ऐन समयमा पास गर्न नसकिए नेपालमा आउने विदेशी लगानी रोकिन सक्ने राष्ट्रपतिले चिन्ता व्यक्त गरे ।
