आयाल निगमको कार्यकारी निर्देशकमा तीन जनाको नाम सिफारिस

काठमाडौं । नेपाल आयाल निगमको कार्यकारी निर्देशक पदका लागि तीन जनाको नाम सिफारिस भएको छ । छनोट समितिको बैठकले डा. चण्डिकाप्रसाद भट्ट, जीवनप्रकाश सिटौला र उमेशप्रसाद थानीको नाम मन्त्रिपरिषदमा सिफारिस गरेको हो ।

तीन मध्ये १ जनाले निगमको कार्यकारी निर्देशक बन्ने अवसर पाउने छन् । गोरखाका भट्ट, तेह्रथुमका सिटौला र सुर्खेतका थानी शिफारिसमा परेका हुन् । उक्त पदका लागि १७ जनाको आवेदन परेको थियो । ती मध्ये ३ जनालाई समितिले शिफारिस गरी पठाएको छ ।

आवेदन दर्ता गराउनेमा डा. चण्डिकाप्रसाद भट्ट, हरिवंश आचार्य, जीवनप्रकाश सिटौला, विष्णुबाबु मिश्र, हरिभक्त शाही, प्राडा. लक्ष्मण पौडेल, लोकबहादुर खड्का, लोकराज पाठक, कृष्णप्रसाद यादव, तारानाथ पौडेल, चित्तरञ्जन दास, रामदेव यादव, उमेशप्रसाद थानी,

पंकजकुमार दास, आनन्दप्रसाद चन्द, भुपेन्द्रप्रसाद अर्याल र सञ्जय कुमार थिए । सुरेन्द्र पौडेलको कार्यकाल सक्किएसँगै निगम नेतृत्वबिहीन भएको छ ।