- २८ जेष्ठ २०८३, बिहीबार / Jun 11, 2026
काठमाडौं । जनताको जलविद्युत कार्यक्रमअन्तर्गत रसुवा र नुवाकोटमा निर्माणाधीन ३७ मेगावाट जडित क्षमताको माथिल्लो त्रिशूली ३ बी जलविद्युत आयोजनाको नेपाल विद्युत प्राधिकरणका कार्यकारी निर्देशक कुलमान घिसिङको टोलीले निरिक्षण गरेको छ ।
प्राय शनिबार र अन्य सार्वजनिक विदाका दिन उनी निर्माणाधीन आयोजनाहरुको स्थलगत अनुगमनमा निस्किने गर्दछन् । सोही क्रममा कार्यकारी निर्देशक घिसिङ र उपकार्यकारी निर्देशक प्रदीपकुमार थिके शनिबार आयोजना स्थल पुगेका हुन ।
उपत्यकाको विद्युत माग र आपूर्तिको व्यवस्था ४ महिनादेखि ठप्प रहेपछि घिसिङ आयोजनास्थल पुगेको बताइएको छ । ठेकेदार कम्पनीले आयोजनाको सिभिल, इलेक्ट्रोमेकानिकल र हाइड्रोमेकानिकलतर्फका सम्पूर्ण संरचना र उपकरण डिजाइन, निर्माण, जडान तथा सञ्चालन गर्नुपर्ने छ ।
आयोजनास्थल पुग्नासाथ कार्यकारी निर्देशक घिसिङले आयोजना प्रमुख आनन्द ढुङ्गेललाई ठेकेदार कम्पनीका प्रतिनिधिलाई बोलाउन निर्देशन दिए ।
आयोजनाको प्रबर्द्धक त्रिशूली जलविद्युत कम्पनी सञ्चालक समितिका अध्यक्षसमेत रहेका कार्यकारी निर्देशक घिसिङले बैठक राखेर आयोजनाको समस्याबारे जानकारी लिएका थिए ।
