इन्डियाना विष्फोटमा परि ३ जनाको मृत्यु, ३९ घर क्षतिग्रस्त

अमेरिका । इन्डियाना राज्यमा घरमा भएको विष्फोटमा ३ जनाको मृत्यु भएको छ भने ३९ घर क्षति भएका छन् । घटनामा अन्य घरहरु पूर्णरुपमा क्षतिग्रस्त भएका छन् ।

घटनास्थलमा सुरक्षा अधिकारी पुगेर स्थानीयहरुसंग छलफल गरिरहेका छन् । घटनाबारे थप अनुसन्धान भइरहेको छ । १ सय फुटको परिधिमा बिष्फोट भएको जनाइएको छ । बिष्फोटको कारण अहिलेसम्म खुलेको छैन ।

प्रहरीले नजिकका सडकहरु बन्द गरेको छ भने खोजीकार्य जारी रहेकाले पीडितहरुको संख्या बढ्नसक्ने अनुमान गरिएको छ । घटनामा घाइते भएको थप विवरण आउन बाँकी छ ।