- ३१ असार २०८३, बुधबार / Jul 15, 2026
एजेन्सी । इङ्गल्याण्ड विश्वकपको नकआउट राउन्डमा प्रवेश गरेको छ । वेल्सलाई ३–० ले हराउँदै इंग्ल्याण्ड नकआउट चरणमा प्रवेश गरेको छ हो । इंग्ल्यान्डले खेलभर कब्जा जमायो र दोस्रो हाफको १८ मिनेट भित्र ३ गोल गर्दै वेल्सलाई सहजै हराएको थियो । जसमा मार्कस रासफोर्डले २ गोल र फिल फोडेनले १ गोल गरेका थिए । वेल्स अब विश्वकपबाट बाहिरिएको छ ।
इंग्ल्याण्ड नकआउट चरणमा प्रवेश गरेको छ, जहाँ उसले सेनेगलको सामना गर्नेछ । त्यस्तै इरानलाई १ ० ले हराउँदै अमेरिका नकआउट चरणमा प्रवेश गरेको छ । ३८औं मिनेटमा अमेरिकाका क्रिस्टियन पुलिसिकले गोल गरेका हुन् । क्रिष्टियन पुलिसिकले अमेरिकाका लागि महत्वपूर्ण गोल गरेपछि नेटमा ठोक्किएर भूईमा लडेका थिए । पुलिसिकलाई केही समय मैदानबाट हटाइयो तर उनी तुरुन्तै फर्केका थिए ।
उनी क्याप्टेन अमेरिकाको रूपमा चिनिन्छन् भने अमेरिकाको स्टार खेलाडीहरू मध्ये एक हुन् । अफसाइड भएका कारण अमेरिकाका टिमोथी वेहले गरेको गोल अस्वीकार गरिएको थियो । अमेरिकाका टिमोथी वेहले हाफ टाइमभन्दा केही समय अगाडि गरेको गोल अस्वीकार गरिएको थियो । किनभने रेफ्रीले उनी अफसाइड भएको बताएका थिए । अमेरिकाले शनिबार नेदरल्याण्डको सामना गर्नेछ। इरान विश्वकपबाट बाहिरिएको छ ।
