उच्च पहाडी र हिमाली भेगमा हिमपात

उच्च पहाडी र हिमाली भेगमा हिमपात image

काठमाडौं । देशका विभिन्न क्षेत्रको उच्च पहाडी र हिमाली भेगमा हिमपातको सम्भावना रहेको मौसम पूर्वानुमान महाशाखाले जनाएको छ।

जल तथा मौसम विज्ञान विभागका अनुसार प्रदेश १, बागमती र गण्डकी प्रदेशका उच्च पहाडी तथा हिमाली भू–भागका थोरै स्थानहरूमा हल्का हिमपात भएको छ।

कर्णाली प्रदेश र सुदूरपश्चिम प्रदेशका उच्च पहाडी तथा हिमाली भागका थोरै स्थानहरूमा हल्का हिमपात भएको छ । यता सोलुको पत्तालेमा बाक्लो हिमपात भएको त्यहाँबाट राम बहादुर मगरले कैलाश खबरलाई बताए ।

पश्चिमी वायुको सामान्य प्रभाव र आंशिक देखि सामान्य बदली रहेको महाशाखाले जनाएको छ । प्रदेश नं. १ का थोरै स्थानमा, बागमती र गण्डकी प्रदेशका केही स्थानहरूमा हल्का देखि मध्यम वर्षा भइरहेको छ ।

राती प्रदेश नं १, बागमती र गण्डकी प्रदेशका पहाडी भू–भागका एक–दुई स्थानमा मेघ गर्जन र चट्याङ्ग सहित हल्का वर्षा तथा हल्का हिमपातको सम्भावना रहेको छ।

यस्तै लुम्बिनी, कर्णाली र सुदूरपश्चिम प्रदेशका पहाडी भू भागका केही स्थानमा मेघ गर्जनसहित हिमपातको सम्भावना रहेको छ।देशका बाँकी भागमा मौसम सामान्यतया सफा रहने र हल्का वर्षाको सम्भावना रहेको महाशाखाले जनाएको छ ।

 

Kailashkhabar.com

Kailashkhabar.com

यो नेपाली भाषाको अनलाइन समाचार संस्था हो । हामी तपाईहरुमा देशविदेशका समाचार र विचार पस्कने गर्छौ । तपाईको आलोचनात्मक सुझाव हाम्रा लागी सधै ग्रह्य छ । हामीलाई पछ्याउनुभएकोमा धन्यवाद । हामीबाट थप पढ्न तल क्लिक गर्नुहोस् ।

कैलाश खवर का अरु लेखहरु पढ्नुस्


hotelghyampedanda