उत्पादनका मुख्य-मुख्य साधनहरु सरकारको हुनुपर्छ : सांसद सुवाल

भक्तपुर । नेपाल मदुर किसान पार्टीका सचिव एवंम् प्रतिनिधि सभमा सदस्य प्रेम सुवालले उत्पादनका मुख्य मुख्य साधनहरु सरकारको हुनुपर्ने बताएका छन् । ११२ औं अन्तर्राष्ट्रिय श्रमिक महिला दिवसको अवसरमा भक्तपुर नगरपालिकाको आयोजनामा सोमबार भएको प्रवचन कार्यक्रम सांसद सुवालले समाजमा महिला र पुरुषलाई समानता ल्याउन उत्पादनका मुख्य मुख्य साधनहरु सरकारको हुनुपर्ने, समान वितरण तथा श्रम विभाजन हुनुपर्ने बताएका हुन ।

अन्तर्राष्ट्रिय महिला आन्दोलनमा महिला नेतृहरुको भूमिकाको विषयमा अध्ययन गर्नुपर्नेमा जोड दिदैै सांसद सुवालले समाजलाई बुद्धिजीवीकरण गर्न समाजलाई साक्षर होइन शिक्षित समाजको रुपमा विकास गर्नुपर्ने आवश्यकता रहेको बताए । भक्तपुर नगरपालिकाका प्रमुख सुनिल प्रजापतिले समाजमा वर्ग रहेसम्म महिला शोषण अन्त्य नहुने बताए । उनले समाजवादी व्यवस्था कायम नभएसम्म महिला हिंसा र शोषणको अन्त्यको सम्भावना नरहेको तर्क गरे । कार्यक्रममा महिला तथा बालबालिका समितिका संयोजक रोशनमैंया सुवालले ११२ औं अन्तर्राष्ट्रिय श्रमिक महिला दिवस मनाइरहँदा अधिकांश श्रमिक नेपाली महिलाहरू शिक्षाबाट वञ्चित हुनुपरेको बताइन ।