- २१ कार्तिक २०८३, शनिबार / Nov 7, 2026
काठमाडौं । हिन्दु धर्मालम्बीहरुको महान चाड दसैं सुरु भएसँगै काठमाडौं उपत्यकाबाट बाहिरिनेको संख्या बढेको छ । टीकाको दिन नजिकिंदै गर्दा काठमाडौं उपत्यका छाड्नेहरुको दिनप्रति दिन संख्या ह्वात्तै बढेको हो ।
यस वर्ष असोज ११ गतेदेखि असोज २५ गतेसम्म थानकोट, साँगा, फर्पिङ र तीन पिप्ले नाकाबाट गरी ६ लाख ५ हजारले उपत्यका छोडेको महानगरीय ट्राफिक महाशाखाका प्रवक्ता (एसपी) संजिव शर्मा दासले बताए ।
यात्रुले भरिभराउ लामो दूरीका सवारिसाधनहरुले गर्दा काठमाडौंका मुख्य सडक अस्तव्यस्त भएका छन् । काठमाडौंबाट बाहिरिने नाकाहरु कलंकी, बल्खु, कोटेश्वर, बालाजु लगाएतका क्षेत्रहरुमा यात्रुहरुको ठूलो भीड लागेको छ ।
