- १२ कार्तिक २०८३, बिहीबार / Oct 29, 2026
काठमाडौं । नेकपा एकीकृत समाजवादीको आइतबार बसेको केन्द्रीय सचिवालयको बैठकले महासचिवमा घनश्याम भूसाललाई मनोनीत गरेको छ । यसअघि महासचिवको जिम्मेवारी समाल्दै आएका बेदुराम भूसाललाई भने उक्त बैठकले उपाध्यक्ष मनोनीत गरेको छ ।
पार्टी कार्यालय आलोकनगरमा बसेको सचिवालयको बैठकले यस्तो निर्णय गरेको र उपाध्यक्षहरु घनेन्द्र बस्नेत, केदार न्यौपाने, धर्मनाथ साह र केशवलाल श्रेष्ठलाई केन्द्रीय सचिवालय सदस्यमा मनोनीत गरिएको उपमहासचिव तथा प्रवक्ता जगन्नाथ खतिवडाले जानकारी दिए ।
मंसिरमा सम्पन्न निर्वाचनमा एमाले छाडेर स्वतन्त्र लडेका घनश्याम चुनावमा पराजित भएपछि गत २९ पुसमा एकीकृत समाजवादीमा प्रवेश गरेका थिए । त्यसबेला नेता भूसाल सचिवालय सदस्यको जिम्मेवारीमा रहेका थिए ।
