- १० भाद्र २०८३, बुधबार / Aug 26, 2026
भक्तपुर । चाँगुनारायण नगरपालिकालाई एभोकाडो शहर बनाउने अभियान अन्तर्गत शनिबार चाँगुनारायण नगरपालिका वडा नम्बर ७ बागेश्वरीमा बिरुवा बितरण गरिएको छ । अभियानका परिकल्पनाकार डिपी ढकालको नेतृत्वमा अभियन्ताहरुले बाल्मिकेश्वर परिसरमा बिरुवा बाढ्ने र रोप्ने काम गरेका छन् ।
बाल्मिकेश्वरमा ४ सय विरुवा बाढिएको अभियानका संयोजक नरेश खड्काले बताए । वडा नम्बर ७ को बाल्मिकेश्वरका २ सय घरमा दुईवटा एभोकाडोको बिरुवा बाढ्ने र रोप्ने काम भएको हो । अभियान अहिले तेस्रो सातामा प्रवेश गरेको छ ।
तपादम्फुबाट बिरुवा बाढ्ने र रोप्ने कार्यक्रम अघिबढाइएको हो । दुईपटक गरी १ हजारबढी बिरुवा रोपिएको उनको भनाइ छ । शनिबार बिरुवा लिन छुटेका लाई पुन बिरुवा वितरणको ब्यवस्था मिलाइएको संयोजक खड्काले बताए ।
बिरुवा वितरण गर्नु अघि अभियानका परिकल्पनाकार डिपी ढकालले चाँगुनारायणलाई एभोकाडो सिटीका रुपमा पहिचान गराउँन अभियन्ताहरुले देखाएको सक्रिय सहभागिताले उत्साहित भएको बताए । यस्तै बृक्षारोपणमा स्थानीयको सहभागिताले नै सफल्ताको बाटो गएकाे अभियान्ता रामकुमार तामाङले बताए ।
अभियानले चाँगुलाई स्वच्छ हराभार एवं समृद्ध नगर बनाउन महत्वपूर्ण भूमिका खेल्ने अभियान्ताकाे विश्वास छ । अभियानमा सुनिल गोठे बासु, दिनेश खनाल, चण्डिका लामिछाने, रामभक्त खत्री,
जगन्नाथ खत्री, मदन श्रेष्ठ, हरिश लामिछाने, अमृता संजेल, गणेश थापा, भरत काफ्ले, बिनोद लामिछाने लगायतका अभियन्ताहरुको सक्रिय सहभागीता रहेको थियो । तस्वीरमा…
