- २५ आश्विन २०८३, आईतवार / Oct 11, 2026
काठमाडौ । एमसीसी परियोजना खारेजीको माग गर्दै विरोधमा उत्रिएको युवा विद्यार्थीको र्यालीमा प्रहरीले व्यापक लाठी प्रहार गरेको छ ।
सोमबार राजधानीमा नेपाल मजदुर किसान पार्टीको जनवर्गीय संगठन नेपाल क्रान्तिकारी विद्यार्थी संघ र नेपाल क्रान्तिकारी युवा सङ्घको आयोजना भएको विरोध प्रदर्शनमा प्रहरीले दमन गरेको हो ।
त्रिवि शिक्षण अस्पतालको पश्चिमा अवस्थित गल्लीमा प्रदर्शन गरिरहेका उनीहरुलाई प्रहरीले लाठ्ठी चार्ज गर्दा कार्यकर्ता कृष्णप्रसाद दुमरु गम्भीर घाइते भए । प्रहरीले दुमरुको टाउको फुटाएको छ । गम्भिर घाइते उनको अहिले त्रिवि शिक्षण अस्पतालमा उपचार भइरहेको छ ।
दमनमा भक्तपुर नपा वडा नं १० का वडाध्यक्ष लक्ष्मीप्रसाद ह्यौमिखा, युवाहरू कृष्णप्रसाद कोजू, जगतराम धुख्वा, रत्ना चवाल, श्याम बासुकला, रामेश्वर रानामगर, दिनेश विक लगायत दर्जनौं घाइते भएका छन् ।
रत्नपार्कबाट सुरु भएको जुलुस अमेरिकी दुतावास जादै गर्दा प्रहरीले अन्धाधुन्द लाठ्ठी प्रहार गरेको हो नेक्राविसंघले जनाएको छ । दमनकारी प्रहरीलाई कारबाही गर्न नेमकिपाले माग गरेको छ । कारबाही नगरे चुनाैतीकाे सामना गर्न चेतावनी दिएकाे छ ।
तस्बीरमा हेर्नुहाेस्…
