- १८ भाद्र २०८३, बिहीबार / Sep 3, 2026
काठमाडौं । प्रतिनिधि सभा बैठकमा एमसीसी टेबल गर्ने विषयमा निर्णय लिन सत्ता गठबन्धनको बैठक बस्दै छ । आइतबार बस्ने विहान बस्ने बैठकमा प्रधानमन्त्री तथा नेपाली काँग्रेसका सभापति शेरबहादुर देउवा एमसीसीको पक्षमा लागिपरेका छन् ।
दलहरुबीच सहमति भएपछि मात्र संसद्मा टेबल गर्नुपर्ने अडानमा नेकपा माओवादी केन्द्र उभिएपछि यसले फरक मोड लिएको छ । यस्तै एकीकृत समाजवादीका अध्यक्ष माधवकुमार नेपाल एमसीसी खारेज गर्नु पर्ने पक्षमा छन्
भने जसपाका सङ्घीय परिषद् अध्यक्ष डा. बाबुराम भट्टराईले भने संसद्बाट तत्काल एमसीसी अनुमोदन गर्नुपर्ने रटानमा छन् । यही फागुन १६ गतेसम्ममा एमसीसी संसदबाट अनुमोदन गर्न अमेरिकाले दबाब दिदै आएको छ ।
यही विषयमा छलफल गर्न गठबन्धनको बिहान १० बजे बैठक बस्ने बताइएको छ । आजको बैठकमा नेपाली काँग्रेस, माओवादी केन्द्र, नेकपा (एकीकृत समाजवादी) र जनता समाजवादी पार्टीका शीर्षनेताहरू सहभागी हुदैछन् ।
