- १७ जेष्ठ २०८३, आईतवार / May 31, 2026
काठमाडौं । प्रतिनिध सभाको बैठक आज बस्दैछ । मिलेनियम च्यालेन्स कर्पोरेसन (एमसीसी) संसद्मा टेबल भएपछि स्थगित भएको संसद बैठक आज बस्न लागेको हो । बैठको मुख्य एजेण्डा अमेरिकी सहयोग परियोजना एमसीसी हुने संसद् सचिवालयले जनाएको छ ।
संघीय संसद सचिवालयले सार्वजनिक गरेको प्रतिनिधिसभाको सम्भावित कार्यसूचीमा पनि एमसीसी सम्झौतामाथि छलफल हुने उल्लेख छ । गत आइतबारको प्रतिनिधिसभा बैठकमा अर्थमन्त्री जनार्दन शर्माका तर्फबाट सञ्चार तथा सूचना प्रविधिमन्त्री ज्ञानेन्द्रबहादुर कार्कीले एमसीसी सम्झौता पेस गरेका थिए ।
एमसीसीबारे छलफल हुने भएपछि कांग्रेसले आफ्ना सांसदहरूलाई अनिवार्य उपस्थित हुन निर्देशन दिइसकेको छ । एमसीसीबारे गठबन्धनमा मत विभाजित भएपछि प्रधानमन्त्री शेरबहादुर देउवा एमालेसंग सहकार्य गरेर अघि बढ्ने विषयमा अग्रसर देखिएका छन् ।
