- १० श्रावण २०८३, आईतवार / Jul 26, 2026
काठमाडौं । नेकपा एमाले बागमती प्रदेश कमिटी सदस्य नारायण घिमिरे जमलको होटल कैलाशमा अर्धचेत अवस्थामा भेटिएका छन् ।
विष खाएको अवस्थामा फेला परेपछि उनलाई प्रहरीले उद्धार गरेर वीर अस्पताल भर्ना गरेको छ ।
जिल्ला प्रहरी परिसर, काठमाडौंका एसपी सीताराम रिजालका अनुसार उनी शनिबारदेखि कैलाश होटलमा बस्दै आएका थिए। नुवाकोटको विदुर–११ घर भएका घिमिरे बेपत्ता भएको भन्दै परिवारका सदस्यले आइतबार खोजतलासका लागि काठमाडौं प्रहरी परिसरमा निवेदन दिएका थिए ।
पछिल्लो समय उनी तारकेश्वर नगरपालिका–९, डाँडागाउँ बस्दै आएका थिए । घिमिरेको कोठाबाट प्रहरीले सुसाइड नोट पनि बरामद गरेको छ । त्यसमा उल्लेखित विषय प्रहरीले गोप्य राखेको छ ।
