एमाले महाधिवेशनमा अहिलेसम्म ९ करोड खर्च

चितवन । नेकपा एमालेको महाधिवेशन दुई दिन लम्बिँदा डेढ करोडबढी खर्च भएको छ । मङ्सिर १० देखि १२ गतेसम्म तय भएको समयसीमा नेतृत्व चयनको प्रक्रिया सम्पन्न हुन नसकेपछि दुई दिन लम्बिएको हो ।

दुई दिन महाधिवेशन लम्बिँदा करिब १ करोड ५० लाख बढी खर्च भएको जानकारी प्राप्त भएको छ । यकिन विवरण प्राप्त हुन नसकेपनि अहिलेसम्म महाधिवेशनमा करिब ९ करोड खर्च भएको छ ।

महाधिवेशन नयाँ नेतृत्व चयन गर्दै आज सक्ने तयारी एमालेले गरेको छ । एमालेको महाधिवेशन उद्घाटन चितवनस्थित नारायणी नदी किनार र बन्दसत्र सौराहामा भएको थियो । महाधिवेशनमा एमालेका २१५३ प्रतिनिधि सहभागी भएका छन् ।