- १४ असार २०८३, आईतवार / Jun 28, 2026
काठमाडौं । प्रहरीले कोटेश्वरको जुवाखालबाट साढे ६ लाख रुपैयाँसहित ५ जना जुवाडेलाई पक्राउ गरेको छ ।
कोटेश्वरको कोटदेवी मन्दिर नजिक ईश्वर कार्कीको घरमा जुवा खेलिरहेको अवस्थामा प्रहरीले छापामार्दा उनीहरु पक्राउ परेका हुन । प्रहरी प्रभाग कोटेश्वरबाट खटिएको टोलीले जुवाखेलीरहेको सूचनाको आधारमा छापामार्दा २० बुक ताससहित ६ लाख ५८ हजार ३ सय रुपैयाँ बरामद गरेको हो ।
जुवाडे घरधनी ईश्वर कार्की, पेप्सीकोलाका नवराज थपलिया, काभ्रेका दीपक तामाङ, दीपक तिम्सिना र रामेछापका सागर केसी पक्राउ परेका छन् । उनीहरुविरुद्ध जुवा ऐन अनुसार कानूनी प्रक्रिया अघि बढाएको प्रहरीले जनाएको छ ।
