- ३० भाद्र २०८३, मंगलवार / Sep 15, 2026
हेटौंडा । एमाले सरकार ढालेर बागमतीमा एकीकृत समाजवादीका नेता राजेन्द्र पाण्डे मुख्यमन्त्री बन्दैछन् । उनले आजै सानो आकारको मन्त्रिपरिषद् गठन गर्ने बताइएको छ । नेकपा एमालेबाट मुख्यमन्त्री बनेकी अष्टलक्ष्मी शाक्य अल्पमतमा परेर राजीनामा दिएपछि पाण्डे मुख्यमन्त्री बन्न लागेका हुन् ।
एमाले विभाजन हुदा १३ जना प्रदेशसभा सदस्यले एकीकृत समाजवादी रोजे । पहिले माधव नेपाललाई साथ दिएकी पछि ओलीतर्फ आएर मुख्यमन्त्री पट्काएकी शाक्य १३ जनाकै कारण अल्पमतमा परेकी थिइन् । नेपाली कांग्रेस, माओवादी केन्द्र र जसपाका ५९ सांसदहरूको समर्थन पाएपछि पाण्डेले मुख्यमन्त्रीमा दाबी पेस गरेका थिए । उनलाई आज दिउँसो पद तथा गोपनियताको शपथ ग्रहण गराउँने कार्यक्रम छ ।
पाण्डेले आजै सानो आकारको मन्त्रिपरिषद् गठन गर्ने बताएका छन् । कांग्रेस संसदीय दलका उपनेता कृष्णलाल भँडेल, माओवादी केन्द्रकी उपनेता कुमारी मोक्तान र नेकपा एकीकृत समाजवादीका उपनेता कृष्ण खनाल मन्त्री बन्ने पक्का भएको छ । तत्काल तीन मन्त्रीसहित मुख्यमन्त्री पाण्डे सरकारमा जाने र तिहारपछि मन्त्रिपरिषद्लाई पूर्णता दिने गठबन्धनले तयारी गरेको नेपाली कांग्रेस संसदीय दलका सचेतक निमा लामाले जानकारी दिए ।
