एमाले सांसद घिमिरेलाई सभामुख निर्वाचित गरियोस् भन्ने प्रस्ताव पेश

काठमाडौँ । नेपाल कम्युनिष्ट पाटी एमालेले पार्टीका सांसद देवराज घिमिरेलाई सभामुखमा निर्वाचित गरियोस् भन्ने प्रस्ताव पेस गरेको छ । एमाले सांसद सुवासचन्द्र नेम्वाङले घिमिरेलाई सभामुख निर्वाचित गरियोस् भन्ने प्रस्ताव गरेका हुन् ।

उनले नेपाली राजनीतिक इतिहासमा योगदान गरेका र यसमा टेकेर घिमिरेले प्रतिनिधिसभालाई राम्रोसँग सञ्चालन गर्नसक्ने बताउँदै सम्पूर्ण सांसदहरुलाई सहयोग गरी निर्वाचित गराउन आग्रह गरे । सत्तागठबन्धनबाट साझा उम्मेदवारका रुपमा अघि सारिएका घिमिरेलाई
उपप्रधानमन्त्रीद्वय राजेन्द्र लिङ्देन र रवी लामिछाने तथा नेकपा माओवादीका सांसदले समेत समर्थन गरेका छन् ।