- २७ भाद्र २०८३, शनिबार / Sep 12, 2026
स्याङ्जा । एम्बुलेन्स दुर्घटना हुँदा दुई जनाको मृत्यु भएको छ । दुई जना गम्भीर घाइते भएका छन् । आइतबार बिहान ४ बजे वालिङ नगरपालिका(५ माझकोटस्थित वालिङ–चापाकोट भित्रि सडक खण्डमा एम्बुलेन्स दुर्घटना भएको हो ।
काठमाडौंबाट चापाकोट फर्केको बा.२झ. ४०११ नम्बरको एम्बुलेन्स सडकबाट करिब दुईसय ५० मिटर तल खसेको जिल्ला प्रहरी कार्यालय स्याङ्जाका सूचना अधिकारी राजेन्द्रप्रसाद अधिकारीले जानकारी दिए । मृत्यु हुनेमा चापाकोट नगरपालिका(९ बस्ने ३५ वर्षीय भानुभक्त गैरे र चापाकोट नगरपालिका १० बस्ने २५ वर्षीय श्याम पंगेनी रहेका छन् ।
उनीहरुको वालिङ प्राथामिक स्वास्थ्यचौकीमा उपचारको क्रममा मृत्यु भएको हो ।दुर्घटनामा परी चापाकोट नगरपालिका(९ बस्ने ३१ वर्षीय एम्बुलेन्स चालक सुरेन्द्र भण्डारी र २८ वर्षीया पवित्रा पोख्रेल गम्भीर घाइते भएका छन् । उनीहरुको वालिङ प्राथमिक स्वास्थ्यचौकीमा उपचार हुन नसकेपछि थप उपचारका लागि पोखरा पठाइएको छ ।
