- २ कार्तिक २०८३, सोमबार / Oct 19, 2026
पोखरा । ब्यास नगरपालिकाको बुल्दी खोला पुल उद्घाटनका लागि जाने क्रममा नेपाली कांग्रेसका वरिष्ठ नेता रामचन्द्र पौडेललाई गिरफतार गरिएको छ ।
संघीय सरकारको बजेटमा बनेको पुल कसले उद्घाटन गर्ने भन्नेमा टुंगो नलागेपछि सत्तारुढ नेकपा र प्रमुख विपक्षी कांग्रेसबचि विवाद भएको थियो । झडप हुने सम्भावना देखेपछि प्रशासनले निषेधाज्ञा गरेको थियो । निषेधाज्ञालाई खारेज गर्छु भन्दै र्यालीसहित पुल उद्घाटन गर्न हिँडेका पौडेललाई बुधबार दिउँसो प्रहरीले गिरफतार गरी साँझ साढे ५ बजे छोडेको थियो ।
पौडेलसँगै प्रदेश सांसद सरिता गुरुङ, तनहुँ कांग्रेसका कार्यवाहक अध्यक्ष जीतप्रकाश आले लगायतलाई प्रहरीले नियन्त्रणमा लिएको थियो । नेता पौडेलले भने आफूलाई सुनियोजित ढंगले नै केपी ओली सरकारले पक्राउ गरेको भन्दै यसको देशैभर कडा प्रतिकार गरिने बताएका छन् ।
