- १४ जेष्ठ २०८३, बिहीबार / May 28, 2026
काठमाडौं । कर्मचारी सञ्चय कोषको ६१ औँ वर्ष प्रवेशको अवसरमा प्रधानमन्त्री शेरबहादुर देउवाले शुभकामना दिएका छन् ।
सम्पूर्ण सञ्चयकर्ता तथा निवृत्तिभरण योजनाका योगदानकर्ताका कारण कोष सम्पूर्ण कर्मचारीहरूको लागि सहयोगीको रूपमा स्थापित भएको देउवाले बताए । हाल सञ्चय कोषमा पाँच लाख ५५ हजार योगदानकर्ता रहेका छन् भने २७ हजार ८ सय योगदानकर्ता कार्यालय रहेका छन् ।
निवृत्तिभरण कोष योगदानकर्तामा ४५ हजार ८ सय ५० र योगदानकर्ता कार्यालय १ हजार ९ सय ५० रहेका छन् । सञ्चयकर्ताकै कारण देशको अर्थतन्त्रमा सहयोग पुगेकोले नयाँ योजनाहरू साथ अझै प्रभावकारी सेवा दिँदै अघि बढ्न प्रधानमन्त्री देउवाले सूझाव दिएका छन् ।
कोषको कामको सन्तुष्टि प्रति सदैव समर्पित रहने सङ्कल्पसहित कोषका सेवा तथा सुविधालाई थप गुणस्तरीय र दिगो बनाउने प्रतिबद्धता कोषका निमित्त प्रशासक जितेन्द्र धितालले गरेका छन् ।
